24-30 сәуір аралығында Мамлют АА-да «Барлығымыз үшін ұзақ өмір» ұранымен иммундау апталығы өтті.

Иммундау апталығының мақсаты-адамдарға вакцинацияның маңыздылығы мен қажеттілігі, оның адамдардың денсаулығы мен әл-ауқатын қамтамасыз етуге қосқан үлесі туралы ақпарат беру.

Бұл күндері медицина қызметкерлеріне арналған семинар және халықтың түрлі топтарына сауалнама жүргізілді.

Науқан басталғаннан бері COVID-19-дан бірінші компонентпен 11 688 адам, екінші компонентпен 11 398 адам вакцинацияланды және 7 275 адам ревакцинациядан өтті.

Егу жоспарына сәйкес 1500-ден астам бала вакцинацияланды.

Вакцинопрофилактика көптеген өлімнің алдын алады және көптеген аурулардан қорғайды: өкпе қабынуы және ротавирус инфекциясы - 5 жасқа дейінгі балалардың өлімінің екі негізгі себебі, тұмау, менингит, жатыр мойны және бауыр қатерлі ісігі, туберкулез және басқалар. Медицина жетістіктерінің арқасында бүгінде бала бұрынғыдан да көп аурулардан қорғалған.

Қоғамның бір бөлігі бола отырып, біз өз денсаулығымызды қорғауымыз керек және бір-біріміздің денсаулығымызды бірлесіп қорғауымыз керек.